Kakuri san Empleyado sa Gobyerno !!!

Kakuri gad san gin-aabat san empleyado sa Gobyerno yana. Kakuri san panahon yana .....para sa ato nga nagtatrabaho sa gobyerno. An aton kita - permanente la. Kon may napadayaw ng mga politiko, mao la nag -iincrease!!! Sanglit an kaurugan sa mga nagtatrabaho sa gobyerno, gindudugngan na la an pagliningkod. Kairo gad man liwat san gobyerno. Kon nakakabagaw la an gobyerno, nan moda na ini sa kanya mga empleyado. Kay sin- o ba gud ini nga gobyerno? Problema la liwat sini an pag binaton!!! Pero kon an sayo nga trabahador sa gobyerno waray la bisyo, diri gad siguro magkukuri. Pero kon ikaw mayaon sin mag-upay nga bisyo, pareho san panbabaye, panlalaki, pag ininom sin magpakalilisang nga irimnon, nataya sa bulang sin sobra sa sweldo, sige la an isnak, sige la an pamatron, sige an pangutang sa villegas appliance center o di kaya sa emcor - sigurado nga diri ma eksakto an imo sweldo. Pero kon maaram ko dumeskarte - sin legal - makakatalwas gad man tingali. Halimbawa, imbis nga mag para reklamo sa gobyerno, mag utanutan ka daw. Pag sakrepesyo pagmata sin agap basi makadako sin daramo nga bulate....hehehe..kay nasugad nga early birds catches more worms!!!!. Matiano kon maghimo ka sin ice candy... tapos ibaligya mo sa opisina pareho san ginhihimo san ato maestra sa elementary sadto!!! di ko na la ngaranan kay bangin ak naman piringan!!! DAramo an pwede igbuhaybuhay san sayo nga empleyado sa gobyerno.Akon igsasaysay sa iyo ini:
1. An una, pwede ka magbaligya sin isnak sa iyo opisina.(Syempre libre an imo mayor para ka tuyangan.
2. Pwede ka liwat mamaligya sin mga pampa beauty pareho sa AVON products ngan mga pampabusag sa nagduduli nga irok.!!!! Kay nasugad an statistics nga kadam-an san mga empleyado sa Gobyerno magpili an irok kay sa sobra nga pagkinurugtol!!!hahahaha!
3. Man angkas sin iba nga kaopisina pag-uli tapos suktan san pamasahe para makalibre sin gasolina..ayaw la igsurot pagliko sa kanto kay bangin ka matubal san asawa.
4. Magbaktinan ka.Ayaw kasiud pangulekta sin sagmaw kada aga kay kwarta iton pag agi sin pira kabulan. Sagmaw la naman an dad-a . Bangin isabay mo an surudlan san sagmaw!!!
5. Pag sabado nganc domingo pwede ka mangawil sa tulay sa may diversion. Social ka pa imdan kay mali ka siton in foreigner....going fishing...an hobby...balitaw...nagtitipid la. diba?
6. An imo asawa ayaw pagparapahigdaa la. Siguro mas maupay kon imo siya tagan sin dito nga trabaho, pareho sin pagbutang sin sira sira store. Pwede pirmi abrido, pwede liwat pirmi sirado! Mag-utanutan siya, basi di ka na magpinangaro sin sagmaw.hehehehe. May igsura na kam, may pa tubong san baktin.
7. An ikapito, sa sunod naman kay medyo 5:21 na sa kulop, wara ak pakasulod sa ak klase kay nagpara buhay buhay la ak. Empleyado ak ngay an sa gobyerno, nalimot ak.!!!!hehehe.Jokelang po!!!!hehhee!